內有惡犬

呢期流感高峰期, 今日有個鴨仔上咗2堂頭痛走落嚟搵我探熱, 37.9度走得, 點知原來佢爸爸張證過期, 媽媽無證...... 緊急聯絡個親戚又幫唔到手, 唯有個仔係學校瞓咗大半日.

講返朝早, 呢d case平時探完熱發燒嘅就帶落詢問處等家長嚟接, 我打埋電話俾家長簽埋早走簿就閃啦. 點知呢個家長打長途架嘛, 就交咗俾書記做, 而家長又唔肯/無辦法嚟接, 個波又交返俾班主任, 個家長竟然叫學校打999送個仔入醫院......又話要搵校長, 好彩校長同班主任嘅諗法一致, 總之個仔就一直坐咗係詢問處瞓覺.

好啦~11點幾校長打上嚟問我個仔幾多度, 原來樓下唔知邊個maolei話個仔40度, 而家打嚟搵我問責, 話點解我地做到咁緊張, 我好老實同佢講我帶咗佢去樓下就咩都唔知啦, 校長訓話話以後要掛牌寫明幾點幾多度wo.

跟住無幾分鐘樓下就打上嚟吠, 話佢俾老細鬧wo, 我咪話我都有啦, 俾佢吠咗幾句先話寫返37.9落簿. 之後lunchtime諗住去嗰班拎返盒飯俾個仔食順便單聲俾班主任知有人亂吠, 點知飯就退咗無得攞, 條狗路過衝入班房鬧個班主任累佢俾老細鬧就閃人, 嘩~ 正一癲狗.

呢條狗平時都唔好相遇, 講嘢又大大聲嗰隻, 估唔到佢咁大牌wo

奇遇1:
早2日同個一仔講道理嘅時侯佢唔聽
想捉住佢企定定佢爭扎
最後我要扎行馬用左手攬住佢手臂位 右手捉實佢膊頭先講到嘢
main pt.1 我今日着裙(成日有事都係着裙的日子...)
main pt.2 記住個學生係一仔

奇遇2:
同一日2nd小息當值完返staff room
有同事叫咗我去試機 影"沙龍"
以我嘅返工look 真係唔想要返d相 我對好眼瞓的眼......x__x

奇遇3: 上年返工日日對住d英文人, 間中都有一兩個普通人(東南亞版)
而家返工日日對住d普通人(祖國版), 間中仲要望住堆簡體字......

奇遇4: 呢期整咗3個board,
有一個board有隻公仔個身走咗出嚟, 個頭同條頸分開咗大半-.-
另外2個係抗毒(drugs), 上面分別有10幾隻"同心抗毒結", 一個無咗1隻(當佢跌咗啦),
一個無咗4隻, 好過份wo

而家份工好充實呢 除咗間唔中成日偷偷的做自己嘢嘅時間
每日嘅工作都啱啱好由開工做到收工(暫時仲未叫"好忙"...)
星期6又成日又活動要OT
計落一個月起碼儲到一日補假(有補鐘 姣簡冬~~~)
呢個月2次嘅3日假都自動變成4日假(學校會"建議"你放咗佢)
尋日見同事交外遊表 羨慕~~~ 年幾無去旅行啦>___<
日日係屋企 dry到爆~!#$%^&

有病去睇醫生是正面的

但有病不是可以惡言相向的籍口

祝你早日康復