| 今日係學校year-end party 我有幸成為主腳之一(是恨吧 哈哈)
因為離職嘅同事係坐主家席(即係同高層坐......) 俾我都唔恨呀唔該
余黎清萍係校監 佢頒farewell禮物俾我第一句係:e~你要走呀 我好想同佢講:我唔想架
點知跟住又嗌我出去 我主任代表同事頒禮物俾我 係咪好奇怪呢 好明顯係佢送俾我架啦
跟住就sister祈禱開餐啦 係因為祈禱定係主任份禮物呢 又姣簡冬啦我T__T
真係好想為成件事大喊一場
 bingo, farewell & 主任的禮物
尋晚同車軚源講開今日個farewell party 我地諗定晒如果要我講感謝我會講咩XDDD
好多謝有同事不厭其煩成日提醒我
好多謝有同事唔駛我做嘢叫我坐埋一邊
好多謝同事令我知道自己唔夠細心 睇人唔係睇表面
好串吧 哈哈 一句講晒 多得佢地唔少 今日屋企有d嘢搞 3點半放工一直hea到8點先返到屋企 好勁呀我
行街買衫都唔係最sai時間嘅活動 最sai時間嘅係排隊試衫呀 搞左半個下晝買得一條圍巾...
本身7點返屋企架啦 點知火車又有事wo 龜速回家
好彩咁岩有位坐 對肥腳坐住已經好痺啦 好驚今晚會抽筋...... 呢2星期放工返屋企就上網搵工 仲攰...... 未知嘅將來係令人好攰的
好啦 我又要開工啦~ |
| |
| 有好多心事可能感覺太複雜好難令人明白
我唔開心唔係發生左個d唔開心嘅事 而係無嘢令到我開心
我開始face到個問題係我要搵好多好多快樂 因為我呢期真係好燥爆
只係4日 我出街食飯2次都有鬧人 好聽咪係人地都燥爆我抵唔住頸囉
上星期有個港台節目係講個唔識笑嘅女仔 我覺得同佢好似a 成日黑埋口面XD
不過未睇返個節目嘅時候 今日可能太唔開心 咁啱留意到向世界出發-意大利的快樂傳說
見班意大利人好識享受 生活好簡單已經好開心
當然我唔知點去享受我嘅生活 但...第一步先啦
 陳年舊作 (2年前就計陳年架啦 哈哈~)
今日學到嘅
快樂 可以好容易得到 亦都好難得到 就係睇你自己
如果你選擇快樂 快樂會跟住你 |
| |
| 今年又要轉校 好悶啦 (好處就係識多d人 同唔同嘅人相處 同埋...經歷多d 有好有唔好啦)
其實最令人煩躁係學校嘅事 返呢份工已經唔夠休息時間 仲要努力左成年無回報 好傷心囉
不過而家件事已經gur晒了 唔發生都發生左 好來好去咪好囉
呢幾日忙緊停課善後同下學年嘅預備工作 執開有條路順便執下自己個位
今日半個上晝pad好8個資料櫃 心口掛住勇字就執呀執呀執呀
而家比攰更加攰 條頸比痛更加痛 嗯......考慮左一陣 決定為慶祝7.1回歸紀念 盡瞓z___z
對不起 軒b~ 我都好想同陽光玩遊戲... 難得有時間去玩 但...我條頸就斷啦T__T 唔開心已經所剩無幾 始終習慣左咁嘅生活方式
唯有得閒搵d嘢黎刺激下自己 再唔平衡下我會發din架啦 前幾年仲係有錢無假嘅我 而家要加埋有假無力啦T___T |
| |
| 若要人不知 除非己莫為
如果我真係有錯嘅 就係我信錯了 講左咁多 喊左咁多 依然係唔知有咩意思
直至問題解決個一日
快d啦 快d啦 |
| |
| 3號風球 回家嘅路上天灰灰 終於引到我係火車喊左出來(眼淚達人XDD)
近來學校發生的事 加上自己的事 我忍唔住啦
每日返工都唔知為咩 明知人地整鬼你要走架啦 又要扮好來好去咁笑面迎人努力工作 頂~
仲有好唔捨得班可愛囡囡 好唔開心 仲有仲有我好討厭嘅澳門包XDD 我係討厭成日諗起佢 因為會令我俾人鬧 正dudu
班朋友先會明白我點解咁sad 幾個一直睇我大嘅 佢地先清楚我嘅過去 先會知道我需要咩嘢
今日望住灰灰嘅天 無朋友係我身邊 我覺得個一刻無人明白我咁 就諗起永遠唔會離棄我果個
記得我上次叫佢幫我的走傷害我嘅人 果然一個星期已經掉左落屎坑 除左唔想記起我討厭的個堆人 仲有唔想成日俾人鬧
我只係想日日都開開心心 無煩惱 我仲想成日去玩 |
| |
